ჩინელი ვანგ ჩიანსენგი თითქმის ორი წელი სადილებს ამზადებდა და დანიშნულების ადგილებზე კლიენტებთან მიჰქონდა.ამ გზით ის ცდილობს პროტეზი იყიდოს ამპუტირებული ფეხისთვის. ინფორმაციას South China Morning Post-ი ავრცელებს.
ჩიანსენგი ცნობილი გახდა თავისი მონდომებით. ის 12 საათის განმავლობაში მუშაობდა და დღე-ღამეში დაახლოებით 60 შეკვეთას ასრულებდა. კაცი თვეში 727 დოლარამდე გამოიმუშავებდა.
ჩიანსენგმა კიდური უბედური შემთხვევის დროს დაკარგა. მას ექიმებმა ფეხი მუხლს ქვემოთ მოკვეთეს.
„ბევრ ადამიანს უკვირს, როცა კურიერის როლში მხედავენ და დამატებით თანხასაც მაძლევენ, რაზედაც მე უარს ვეუბნები“, – ამბობს ჩიანსენგი.
კაცს პროტეზისთვის საკმარისი თანხა ამ დრომდე არ შეუგროვებია, თუმცა მისი თქმით, უკვე ეს ნაკლებად მნიშვნელოვანია, რადგან ამ საქმემ ის წარმატებულ და ცნობილ ადამიანად აქცია.
კომენტარები