ტატუ ჯანმრთელობისთვის – გერმანელმა ბიოსენსორული ტატუ შექმნეს

მიუნხენის უნივერსიტეტის მეცნიერებმა კანქვეშა ნახატისთვის სპეციალური საღებავი შექმნეს.

ბიოსენსორული ტატუ ორგანიზმში pH-ის, გლუკოზის და ალბუმინის დონის ცვალებადობის მიხედვით იცვლის ფერს.

ეს საშუალებას იძლევა, გაკონტროლდეს ისეთი დაავადებები, როგორიც, მაგალითად, დიაბეტია. შედეგად, არ დაგვიანდეს წამლის მიღება ან ექიმთან მისვლა. ექიმებს კი საკმარის ინფორმაციას მისცემს, რომ პაციენტის მდგომარეობა სისხლის სინჯების აღების გარეშე აკონტროლონ.

რამდენიმე წლის წინ დაახლოებით მსგავსი ტექნოლოგია მასაჩუსეტსის ტექნოლოგიური ინსტიტუტისა და ჰარვარდის მეცნიერებმა შეიმუშავეს და თავიანთ პროექტს Dermal Abyss უწოდეს.

ამჟამად ახალი ტექნოლოგიის ღორის კანზე ტესტირება მიმდინარეობს და მისი შედეგები დადებითია.