12 სექტემბერს დილიდან, საქართველოს სხვადასხვა ქალაქში სპეცოპერაცია მიმდინარეობს.
კრიმინალური პოლიციის უფროსის, თეიმურაზ კუპატაძის ცნობით, ამ დროისთვის, 10-ზე მეტი პირია დაკავებული და ამოღებულია სხვადასხვა სახის ნარკოტიკული საშუალებები და ნარკორეალიზაციიდან მიღებული ფულადი თანხა. დაკავებულთა შორის სხვადასხვა ქვეყნის მოქალაქეები არიან, რომლებიც ნარკოტიკულ საშუალებებს სხვადასხვა ლოკაციებზე ათავსებდნენ. ერთ-ერთი მათგანი უკრაინის მოქალაქეა, რომელმაც ნარკოტიკული საშუალებები სვეტიცხოვლის ეზოში 9 სხვადასხვა ლოკაციაზე განათავსა.
„დავაკავეთ უკრაინის მოქალაქე ქალბატონი, რომელმაც სვეტიცხოვლის ეზოში, 9 სხვადასხვა ლოკაციაზე განათავსა დიდი რაოდენობით ნარკოტიკული საშუალებები, რომლის რეალიზაციასაც ახდენდა სხვადასხვა ინტერნეტ აპლიკაციების საშუალებით“, – განაცხადა თეიმურაზ კუპატაძემ.
მისივე თქმით, სპეცოპერაცია გრძელდება და დღის ბოლომდე კიდევ მეტი პირის დაკავებას ვარაუდობენ.
კომენტარები