ქართული წიგნის ეროვნული ცენტრის ხელშეწყობითა და გამომცემლობის Edition Orient მიერ გერმანულ ენაზე გამოიცემა სულხან-საბა ორბელიანის „სიბრძნე სიცრუისა“. ინფორმაციას წიგნის ეროვნული ცენტრი ავრცელებს.
გერმანულენოვან თარგმანზე ჰაინც ფენრიხმა იმუშავა. წიგნი ილუსტრირებულია ზურა მჭედლიშვილის მიერ.
„სიბრძნე სიცრუისა“ სულხან-საბა ორბელიანის პირველი ლიტერატურული ქმნილებაა. ის დაწერილია XVII საუკუნეში. კრებულში შესულია სულხან-საბა ორბელიანის 150-ზე მეტი იგავ–არაკი.
ცოტა ხნის წინ გერმანულ ენაზე გამოიცა იაკობ გოგებაშვილის „იავნანამ რა ჰქმნა“, ასევე, აკა მორჩილაძის „მამლუქი“, რეზო ჭეიშვილის „ცისფერი მთების“ თარგმანი კი, გერმანული ლიტერატურული პრემიის შორთლისტში მოხვდა.
აღსანიშნავია, რომ 2018 წლის ფრანკფურტის წიგნის ბაზრობაზე, რომელიც ოქტომბერში ტარდება, ქართული ლიტერატურა 188 გერმანულენოვანი თარგმანით წარდგება.
წყარო: imedinews.ge
კომენტარები