„ნაციონალური მოძრაობის“ ყოფილი თავმჯდომარის, ნიკა მელიას საქმე – „ნიკა მელია საქართველოს წინააღმდეგ”, სტრასბურგის ადამიანის უფლებათა სასამართლოში, საქართველოს გამარჯვებით დასრულდა. სასამართლოს გადაწყვეტილების შესახებ განცხადება, სტრასბურგის სასამართლოს ვებგვერდზე 7 სექტემბერს გამოქვეყნდა.
„საქმეზე „მელია საქართველოს წინააღმდეგ“ სასამართლომ დაადგინა, რომ ადგილი არ ჰქონია თავისუფლებისა და უსაფრთხოების უფლების დარღვევას და უფლებების შეზღუდვის გამოყენების დარღვევას“ – წერია სტრასბურგის სასამართლოს განცხადებაში.
საჩივარი 2019 წლის ივნისში, ე.წ. გავრილოვის ღამის საქმეზე ნიკა მელიას დაკავებას შეეხებოდა. მელია 2021 წლის 23 თებერვალს, საპოლიციო ძალებმა „ნაციონალური მოძრაობის” მთავარ ოფისში ჩატარებული სპეცოპერაციის შედეგად დააპატიმრეს. მას ბრალი ჯგუფური ძალადობის ხელმძღვანელობასა და მასში მონაწილეობისთვის ედებოდა. პოლიტიკოსი მიიჩნევდა, რომ მის მიმართ ადამიანის უფლებათა ევროპული კონვენციის ორი მუხლი დაირღვა:
- მე-5 მუხლი — თავისუფლებისა და უსაფრთხოების უფლება.
- მე-18 მუხლი — უფლებების შეზღუდვათა გამოყენების ფარგლები.
კომენტარები