ვიდეოში ჩანს თუ როგორ სთხოვს პოლიციელი ქუჩაში მოსიარულე კაცს, რომელიც ირწმუნება, რომ კორონავირუსი აქვს, სახლში წავიდეს და თვითიზოლაციის წესებს მისდიოს. ინფორმაციას Dailymail ავრცელებს.
„თუ ვირუსი მართლა გაქვს, წადი სახლში, თუ კიდევ ერთხელ დაგინახავ, დაგაპატიმრებ“, – მიმართავს ფეხით მოსიარულეს პოლიციელი. თუმცა, მიუხედავად ამისა, მამაკაცი სახლში წასვლას არ აპირებს.
მამაკაცის საქციელით აღშფოთებული პოლიციელი ბოლოს მას ხმამაღლა უყვირის – „წადი სახლში, შენ ასე ხალხს კლავ!“.
შემთხვევა შოტლანდიის ქალაქ პერტში მოხდა. ქვეყნის ამჟამად მოქმედი კანონმდებლობით, პოლიციას შეუძლია მოქალაქე დააჯარიმოს, თუ ის სახელმწიფოს მიერ დადგენილ შეზღუდვებს არ დაემორჩილება.
გაერთიანებულ სამეფოში ვირუსმა 570 ადამიანი იმსხვერპლა.
კომენტარები