სალვადორის ხელისუფლებამ ბიტკოინი ოფიციალურ ვალუტად აღიარა, რის შემდეგაც კრიპტოვალუტის კურსი 10%-ით 46,3 ათას დოლარამდე დაეცა. ამის შესახებ გამოცემა Wall Street Journal-ი წერს.
Bloomberg-ის ცნობით, ბიტკოინის კურსის დაცემა აპლიკაცია Chivo-ს გათიშვამ გამოიწვია. Chivo სალვადორის ხელისუფლებამ შექმნა, მას შემდეგ რაც ბიტკოინი აშშ დოლართან ერთად ქვეყანაში ოფიციალურ ვალუტად აღიარეს.
სალვადორის პრეზიდენტის, ნაიბ ბუკელეს განცხადებით, ბიტკოინის ოფიციალურ ვალუტად აღიარება სალვადორელებს მისცემს შესაძლებლობას, მიიღონ უფრო ფართო წვდომა ფინანსურ მომსახურებაზე და ფულადი გზავნილების საკომისიო დაზოგონ. თუმცა ეკონომისტები სალვადორის ხელისუფლების ამ ნაბიჯს სარისკო ექსპერიმენტს უწოდებენ. მათი განცხადებით, ასეთი არასტაბილური კურსის მქონე ვალუტა სალვადორის ისედაც სუსტ ეკონომიკას კიდევ უფრო დაასუსტებს.
კომენტარები