საყოფაცხოვრებო ჰაერის დაბინძურების შედეგად მსოფლიოში წელიწადში ოთხი მილიონი ადამიანი იღუპება. ამის შესახებ საუბარია მსოფლიო ჯანდაცვის ორგანიზაციის მოხსენებაში.
ორგანიზაციის მონაცემებით ირკვევა, რომ სახლებსა და სხვა დახურულ კერებში დაბინძურებული ჰაერი და საყოფაცხოვრებო ნარჩენების არაეფექტური მართვა დიდ წილად ზრდის სხვადასხვა სახის დაავადებებს, უფრო მეტად კი ქალებსა და ბავშვებში.
მსო-ს კვლევებით დადასტურდა, რომ საყოფაცხოვრებო ჰაერის დაბინძურება იწვევს ინსულტს, გულის იშემიურ დაავადებებს, ფილტვის კიბოს და სხვ.
როგორც აღინიშნა, დახურულ კერებში არსებული დაბინძურებული ჰაერით გამოწვეული დაავადებებით ყოველწლიურად ოთხ მილიონამდე ადამიანი იღუპება, მათ შორის 27 პროცენტი პნევმონიით, 27 პროცენტი გულის იშემიური დაავადებით, 18 პროცენტი ინსულტით, 20 პროცენტი ქრონიკული ობსტრუქციული დაავადებით და 8 პროცენტი ფილტვის კიბოთი.
სპეციალისტები გირჩევენ, რომ ხშირად გაანიავოთ სახლი, არ დაუშვათ დახურულ კერებში თამბაქო მოწევა, ეფექტურად მართეთ საყოფაცხოვრებო ნარჩენები და საჭმლის მომზადებისას შეძლებისდაგვარად გამოიყენეთ შესაბამისი ტექნელოგიები (ჰაერის გამწოვი).
კომენტარები