რუსული ჯარები ჩერნობილის ატომური ელექტროსადგურის აფეთქებით იმუქრებიან – ზონის მართვის სააგენტო

„რუსმა სამხედროებმა წამოაყენეს ულტიმატუმი, იმუქრებიან ჩერნობილის მნიშვნელოვანი ატომური ობიექტის დანაღმვით და აფეთქებით. სანქციების თავიდან აცილების მიზნით, რუსეთი ამზადებს ისტორიებს იმის შესახებ, რომ იქ ყველაფერი კონტროლის ქვეშაა და უსაფრთხო“,  – ნათქვამია სააგენტოს ინფორმაციაში.

ცნობისთვის, უკრაინამ ორი დღის წინ დაკარგა კონტროლი ატომურ ელექტრო სადგურზე. ასევე, მომატებულია რადიაციის დონეც.

„ეს მიუთითებს დამპყრობლების მიერ უსაფრთხოების სისტემების არასწორ გამოყენებაზე და მათ არ გააჩნიათ საჭირო ექსპერტიზა ბირთვული ობიექტების დასაცავად“, – აცხადებენ ზონის მართვის სააგენტოში.

გამორიცხვის ზონის გარეთ მოსახლეობას ამ დროისთვის საფრთხე არ ემუქრება.