რუსეთი ცდილობს 60 000-ზე მეტი წვევამდელის მობილიზებას

„შეერთებულმა შტატებმა დაინახა ნიშნები იმისა, რომ რუსეთი ცდილობს 60 000-ზე მეტი წვევამდელისა და რეზერვისტის მობილიზებას თავისი შეტევითი ძალების გასაზრდელად. ჯერჯერობით არ არსებობს ინფორმაცია იმის შესახებ, თუ როგორ მოემზადებიან და სად გაიგზავნებიან ეს ძალები“, – განაცხადა ოფიციალურმა წარმომადგენელმა.

ოფიციალურმა პირმა ასევე აღნიშნა, რომ უკრაინაში განცდილი დანაკარგების შემდეგ, რუსული ჯარების პოტენციალი თებერვალთან შედარებით ახლა 80-85%-ია.

გარდა ამისა, შეერთებული შტატების შეფასებით, რუს სამხედროებს ჯერ არ მოუგვარებიათ ლოგისტიკური პრობლემები, რაც იმას ნიშნავს, რომ ნაკლებად სავარაუდოა, მათ ძალების ძალიან სწრაფად აღდგენა შეძლონ.

„ჩვენ არ გვჯერა, რომ ეს მათთვის სწრაფი პროცესი იქნება, თუ გავითვალისწინებთ ადამიანური ძალის დაკარგვისა და მათი დანაყოფების საბრძოლო მოტივაციის დაკარგვას“, – აღნიშნა პენტაგონის წარმომადგენელმა.