რუსეთის ფედერაცია დასავლეთის სანქციებს პასუხობს და 36 ქვეყნისთვის საჰაერო სივრცეს ხურავს. ინფორმაციას რუსული მედია ავრცელებს.
„საერთაშორისო სამართლის ნორმების შესაბამისად, ფრენებზე ევროპული სახელმწიფოების აკრძალვის საპასუხოდ 36 ქვეყნისთვის საჰაერო სივრცე დაიხურება“, – აღნიშნულია ინფორმაციაში.
ამავე ინფორმაციის თანახმად, შეზღუდვები შეეხება შემდეგ ქვეყნებს: ავსტრია, ალბანეთი, ბელგია, ბულგარეთი, ბრიტანეთის ვირჯინიის კუნძულები, დიდი ბრიტანეთი, უნგრეთი, გერმანია, გიბრალტარი, საბერძნეთი, დანია (+ გრენლანდია, ფარერის კუნძულები, ტერიტორიული ზღვა), ჯერსი, ირლანდია, ისლანდია, ესპანეთი, იტალია, კანადა, კვიპროსი, ლატვია, ლიტვა, ლუქსემბურგი, მალტა, ნიდერლანდები, ნორვეგია, პოლონეთი, პორტუგალია, რუმინეთი, სლოვაკეთი, სლოვენია, ფინეთი, საფრანგეთი, ხორვატია, ჩეხეთი, შვედეთი, ესტონეთი.
აღნიშნული ქვეყნებიდან ავიარეისები მხოლოდ სპეციალური ნებართვით იქნება შესაძლებელი.
კომენტარები