„რკინის ფარდა უკვე დაეშვა“ – რუსი ბიზნესმენი სანქციებზე

ნიკოლაევის ალუმინის ქარხნის მფლობელი, რუსი ბიზნესმენი ოლეგ დერიპასკა დასავლეთის სანქციებს უპრეცედენტოს უწოდებს და ამბობს, რომ რუსეთი მსგავსი გამოწვევის წინაშე ჯერ არ მდგარა.

„მსგავსი გამოწვევების წინაშე ჯერ არ ვმდგარვართ, რკინის ფარდა უკვე დაეშვა. რაც შეეხება სანქციების შედეგებს, ჩვენ ვიღებთ 1998 წლის კრიზისს და ვამრავლებთ სამზე“, – განაცხადა დერიპასკამ.

ბიზნესმენმა დასძინა, რომ სამ კვირაში გაირკვევა, თუ რა დაემართებათ რუსეთის ფედერაციის სახელმწიფო ბანკებს სანქციების შედეგად.

„აუცილებელი იქნება ამ [რკინის] ფარდის ხელახლა გახსნა. პირველი ნაბიჯი არის მშვიდობა. მეორე ნაბიჯი არის ის, რომ გულწრფელად განვიხილოთ სად ვცხოვრობთ, როგორ ვცხოვრობთ, რა პირობებში, ვინ რას ბრძანებს და რა რისკებს შეიცავს ეს ბრძანება. მნიშვნელოვანია, რომ მოსახლეობა წამოწეულ იქნეს წინა პლანზე. მე წინააღმდეგი ვარ ყველაზე მძიმე ფინანსური ზეწოლის, მოსახლეობა არაფერში არ არის დამნაშავე“, – განაცხადა დერიპასკამ.