პუტინის მრჩეველი ანატოლი ჩუბაისი თანამდებობიდან გადადგა – Bloomberg

ამავე ინფორმაციის მიხედვით, ჩუბაისმა რუსეთი დატოვა. ეს ცნობები ორ ინფორმირებულ წყაროზე დაყრდნობით გავრცელდა, თუმცა ჩუბაისის ახლობლები ამ ინფორმაციას არ ადასტურებენ.

„არ ვიცი, მე საქმის კურსში არ ვარ“, – განაცხადა ანატოლი ჩუბაისის ძმამ იგორ ჩუბაისმა.

rbc.ru-მ შესაბამისი შეკითხვა რუსეთის პრეზიდენტის პრესმდივანს დიმიტრი პესკოვს და ანატოლი ჩუბაისის ოფიციალურ წარმომადგენელს გაუგზავნა.

ანატოლი ჩუბაისი ცნობილია, როგორ რუსეთში 1990-იან წლებში ჩატარებული ეკონომიკური რეფორმების ერთ-ერთი იდეოლოგი და ხელმძღვანელი, 2000-იანი წლების ელექტროენერგიული სისტემის რეფორმის ერთ-ერთი ავტორი.

ჩუბაისი 1991 წლის ნოემბერს დაინიშნა რუსეთის ფედერაციის სახელმწიფო კუთვნილების მართვის სახელმწიფო კომიტეტის თავმჯდომარედ. ხოლო 1992 წლის 1-ელ ივნისს რუსეთის ფედერაციის მთავრობის თავმჯდომარის მოადგილედ ფინანსურ და ეკონომიკურ საკითხებში.