რია ნოვოსტის ცნობით, რუსეთის პრეზიდენტმა ვლადიმირ პუტინმა საფრანგეთის პრეზიდენტს, ემანუელ მაკრონს უთხრა, რომ “უკრაინაში სიტუაციის დარეგულირებისთვის” რუსეთი მოითხოვს:
- ყირიმზე რუსეთის სუვერენიტეტის ცნობას
- უკრაინის სახელმწიფოს დემილიტარიზაციასა და დენაციფიკაციას [ანუ, ამჟამინდელი მთავრობის დამხობას. რედ.]
- უკრაინის ნეიტრალური სტატუსის უზრუნველყოფას.
დღესვე, 28 თებერვალს უკრაინა-ბელარუსის საზღვართან რუსეთ-უკრაინის მოლაპარაკებების პირველი რაუნდი გაიმართა, რომელიც ექვს საათს გრძელდებოდა. პრეზიდენტ ზელენსკის ადმინისტრაციის უფროსის მრჩევლის, მიხეილ პოდოლიაკის თქმით, “მხარეებმა განსაზღვრეს პრიორიტეტული თემები, რაზეც გამოიკვეთა გარკვეული გადაწყვეტილებები”.
მოლაპარაკებების მონაწილეები საკუთარ დედაქალაქებში ბრუნდებიან ამ გადაწყვეტილებათა რეზულტატებზე სამსჯელოდ.
“მოვილაპარაკეთ, რომ შედგება მეორე რაუნდი” – აღნიშნავს პოდოლიაკი.
უკრაინის დელეგაცია მოლაპარაკებებისთვის უკრაინა-ბელარუსის საზღვართან დილით ჩავიდა. მთავარი მოთხოვნა ცეცხლის დაუყოვნებლივ შეწყვეტა და რუსული ჯარების გაყვანა იყო.
კომენტარები