ჩინეთის დედაქალაქისთვის უცხო არ არის ურბანული სმოგი. ამ დროს ატმოსფეროში მავნე ნივთიერებების კონცენტრაცია დასაშვებ დონეს ათჯერ აჭარბებს, შესაბამისად, სმოგის დროს პეკინელები ძლიერი თავის ტკივილს და სუნთქვის პრობლემებს უჩივიან.
სანამ ხელისუფლება სმოგისგან თავის დაღწევის გზებს ეძებს, მოხერხებულმა ჩინელმა მილიონერმა ჩენ გუანბაიომ მეტალის ქილებით სუფთა ჰაერის გაყიდვა დაიწყო.
ქილას თავს მოხსნით და იქიდან ამოსულ ჰაერს პირით შეისუნთქავთ – სულ ესაა.
თავის დროზე მან თავისი $740 მილიონიანი ქონება ნაგვის გადამუშავებით იშოვა, ახლა კი ქონების გაორმაგებას სუფთა ჰაერის ბიზნესით გეგმავს. მილიონერის თქმით, მთელი მისი ქონება ქველმოქმედებას მოხმარდება, თუმცა მხოლოდ მისი გარდაცვალების შემდეგ.
კომენტარები