საფრანგეთის პრეზიდენტი ემანუელ მაკრონი პარიზში ქართველ კოლეგას სალომე ზურაბიშვილს ხვდება.
პრეზიდენტების დაგეგმილი შეხვედრის შესახებ ინფორმაცია ზურაბიშვილის ადმინისტრაციამ რამდენიმე დღის წინ გაავრცელა.
შეხვედრამდე ზურაბიშვილი მაკრონს ტელეფონით ესაუბრა.
„საუბარი შეეხო უკრაინაში მიმდინარე მოვლენებს. პრეზიდენტებმა შეშფოთება გამოთქვეს უკრაინის სუვენერობის წინააღმდეგ მიმართული რუსული აგრესიის გამო. საფრანგეთის პრეზიდენტმა ასევე კიდევ ერთხელ ხაზგასმით აღნიშნა, რომ ამ მძიმე ვითარებაში, ის მხარს უჭერს საქართველოს ტერიტორიულ მთლიანობას და სუვერენიტეტს.
პრეზიდენტებმა საუბრისას ხაზი გაუსვეს გაეროსა და სხვა საერთაშორისო ფორმატებში ჩვენი ერთიანი პოზიციის მნიშვნელობას“, – აღნიშნულია ინფორმაციაში.
კომენტარები