„მე და ქეთი მაჭავარიანმა, საბერძნეთის საზოგადოებრივი მაუწყებლის კონკურსში, 170 000 ევრო მოვიგეთ” – ნენე კვინიკაძე თავისი რომანის ეკრანიზაციაზე

მწერალი ნესტან ნენე კვინიკაძე ათენიდან გვატყობინებს, რომ რეჟისორ ქეთი მაჭავარიანთან ერთად, საბერძნეთის საზოგადოებრივი მაუწყებლის კონკურსი მოიგო; კვინიკაძის რომანი “38,44” ბერძნულად თარგმნილია და მოგებული თანხა მის ეკრანიზაციას მოხმარდება;

აი, რას წერს ნენე ფეისბუქზე:

“კაპრიზული ღმერთების და შეუკავებელი ემოციების ქვეყანას საიმედოდ დავუკავშირდი:

1. საბერძნეთის საზოგადოებრივი მაუწყებლის კონკურსში მე და ქეთი მაჭავარიანმა ახალი კინოპროექტისთვის 170 000 ევრო მოვიგეთ;

2. ბერძნულ ენაზე თარგმნილი ჩემი რომანი “38,44” უკვე დასტამბულია;

3. აღმოჩენილია საკუთარ თავში მოგზაურობის მნიშვნელოვანი გამოცდილება”, – წერს კვინიკაძე