კვლევა: უკრაინაში ნატოში გაწევრიანების მხარდაჭერის დონე შემცირდა

30-31 მარტს ჩატარებული გამოკითხვის შედეგების მიხედვით, ნატოში გაწევრიანების მხარდაჭერის დონე უკრაინის მოქალაქეებს შორის კლებადია.

მნიშვნელოვანია, რომ რუსეთის მიერ დაწყებული სრულმასშტაბიანი ომის პირველ დღეებში უკრაინის ალიანსში შესვლის მხარდაჭერა 62%-დან 76%-მდე გაიზარდა, შემდეგ კი, ომის დაწყებიდან პირველ კვირაში მხარდაჭერა 72%-მდე შემცირდა.

„მარტის ბოლოსთვის, მონაცემების მიხედვით [უკრაინის ნატოში შესვლის მხარდაჭერა] 68%-ს უტოლდება, ანუ იგი ომამდელ მაჩვენებლებთან ახლოსაა“, – აღნიშნულია ინფორმაციაში.

აღნიშნული კვლევა არ იუწყება ალიანსში გაწევრიანების მხარდაჭერის შემცირების მიზეზებს, თუმცა მედიის ცნობით, შესაძლოა, ეს იმით იყოს განპირობებული, რომ უკრაინელებმა რუსეთთან დაპირისპირების დროს, ნატოს მოსალოდნელი მხარდაჭერა ვერ დაინახეს.