რუსმა ოკუპანტმა მრავალშვილიანი მამა 14 წლის შვილის თვალწინ მოკლა, Unian-ის ინფორმაციით, შემთხვევა ბუჩაში მოხდა.
გარდაცვლილი 47 წლის რუსლან ჩეჩეპურენკოა, ის შვილთან ერთად წამლების ასაღებად ოკუპირებული ბუჩის ცენტრში მიდიოდა. ბიჭი ყვება, რომ მას მერე რაც მამა მოუკლა, რუსმა ჯარისკაცმა იგი ხელში დაჭრა, წაქცეულს კი თავში უმიზნებდა ტყვიას, თუმცა, კაპიშონს მოხვდა გასროლილი.
“ველოსიპედებით მივდიოდით, როდესაც სახლიდან გამოვიდა რუსი ჯარისკაცი. გავჩერდით, ავწიეთ ხელები, ვუთხარით, რომ იარაღი არ გვქონდა, თუმცა ჯარისკაცმა მამას ესროლა, ის დაეცა. შემდეგ მან ჩემი მისამართით გაისროლა, ორი ტყვია ხელში მომხვდა, დავეცი მიწაზე. ჯარისკაცმა ისევ გაისროლა და ჩემს კაპიუშონს მოხვდა, თუმცა თავს ასცდა,” – ჰყვება 14 წლის ბიჭი.
კომენტარები