ჯანდაცვის მსოფლიო ორგანიზაციის ევროპის რეგიონულმა დირექტორმა, ჰანს კლუგემ განაცხადა, რომ რუსეთის მცდელობა, გაანადგუროს უკრაინის ენერგეტიკული სექტორი, ამ ზამთარში მილიონობით უკრაინელის სიცოცხლეს საფრთხის ქვეშ დააყენებს.
„უკრაინის ენერგეტიკული ინფრასტრუქტურის ნახევარი დაზიანდა ან განადგურდა. ეს უკვე აზიანებს ჯანდაცვის სისტემასა და ადამიანების ჯანმრთელობას. მარტივად რომ ვთქვათ, ამ ზამთარს ხალხის წინაშე გადარჩენის საკითხის დადგება“, – აღნიშნა ჰანს კლუგემ.
ჯანდაცვის მსოფლიო ორგანიზაციის შეფასებით, ამ ზამთარს კიდევ 2-3-მა მილიონმა უკრაინელმა საკუთარი სახლი შეიძლება დატოვოს სითბოსა და უსაფრთხოების ძიებაში. გათბობისა და ელექტროენერგიის უქონლობის პირობებში, მოქალაქეებისთვის კიდევ უფრო დიდ საფრთხეს წარმოადგენს სასუნთქი გზების ინფექციები, „კოვიდი“ და გრიპი.
ენერგეტიკის სექტორზე რუსეთის დარტყმების გამო, ჯანმოს წარმომადგენლის თქმით, ასობით საავადმყოფო და ჯანდაცვის სხვა დაწესებულებები უკვე ვერ ახერხებს ნორმალურად ფუნქციონირებას.
კომენტარები