„ისრაელმა უნდა შეწყვიტოს ღაზას სექტორის დაბომბვა“ – ემანუელ მაკრონი

საფრანგეთის პრეზიდენტის ემანუელ მაკრონის განცხადებით, ღაზას სექტორის დაბომბვას „გამართლება არ აქვს“ და ცეცხლის შეწყვეტა თავად ისრაელს მოუტანს სარგებელს.

როგორც მაკრონმა BBC-სთან ინტერვიუში აღნიშნა, ისრაელს თავის დაცვის უფლება აქვს, თუმცა არა ღაზას სექტორის დაბომბვის გზით.

„ჩვენ მათ მოვუწოდებთ, შეწყვიტონ დაბომბვა“, – ამბობს მაკრონი.

მისივე თქმით, საფრანგეთი „მკაციოდ გმობს ჰამასის ტერორისტულ მოქმედებებს“.

როგორც საფრანგეთის პრეზიდენტი აღნიშნავს, იმედი აქვს, რომ მის მოწოდებას ღაზას სექტორის დაბომბვის შეწყვეტასთან დაკავშირებით, სხვა ლიდერებიც შეუერთდებიან, მათ შორის, აშშ და გაერთიანებული სამეფო.

„იმედი მაქვს, ისინი ამას გააკეთებენ“, – ამბობს მაკრონი.