ისრაელის ძალებმა ღაზაში „ჰამასის“ საგუშაგო დაიკავეს – „ცაჰალი“

ისრაელის თავდაცვის ძალების წარმომადგენლის განცხადებით, ქალაქ ღაზაში „ჰამასის“ საგუშაგოზე კონტროლი დაამყარეს.

როგორც „ცაჰალში“ განმარტავენ, ტერორისტებს იქ ტანკსაწინააღმდეგო რაკეტები, სხვა იარაღი და ასევე სადაზვერვო მასალები ჰქონდათ შენახული.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.