Tesla-ს დამფუძნებელმა ილონ მასკმა მსოფლიოს ყველაზე მდიდარი ადამიანების რეიტინგში მეორე ადგილზე გადაინაცვლა. ამის შესახებ გამოცემა Forbes-ი წერს.
მასკმა ჰოლდინგ LVMH-ის მფლობელ ბერნარ არნოს გაუსწრო და Amazon-ის დამფუძნებელ ჯეფ ბეზოსს მიუახლოვდა.
20 აგვისტოს მდგომარეობით, მასკის ქონება 177,5 მილიარდ დოლარს შეადგენს. ბოლო ორი დღის განმავლობაში LVMH-ის აქციები 12,6%-ით გაიაფდა, რის გამოც ბერნარ არნოს ქონება თითქმის 20 მილიარდით შემცირდა და 174,17 მილიარდი შეადგინა. ამის გამო ყველაზე მდიდარი ადამიანების სიის სათავეში, 184,8 მილიარდი დოლარით კვლავ ჯეფ ბეზოსი აღმოჩნდა.
კომენტარები