გიორგი მიქაუტაძე საფრანგეთის მეორე ლიგის საუკეთესო ფეხბურთელად აღიარეს

ქართველი ფეხბურთელი გიორგი მიქაუტაძე საფრანგეთის მეორე ლიგის საუკეთესო ფეხბურთელად აღიარეს. ამის შესახებ lessentiel.lu იუწყება.

მიქაუტაძე, საფეხბურთო კლუბ „მეცში“ ასპარეზობს. მან სეზონის განმავლობაში 23 გოლი გაიტანა და 8 საგოლე გადაცემა მიითვალა.

ამჟამად „მეცი“ საფრანგეთის მეორე საფეხბურთო ლიგის ერთ-ერთი ლიდერია და მას პირველ ლიგაში გადასვლის რეალური შანსი აქვს.

მიქაუტაძემ კი კარიერა, შესაძლოა, იტალიის სერია „ა“-ში გააგრძელოს. მედიაში გავრცელებული ინფორმაციით, ამ ფეხბურთელით „მილანი“ დაინტერესდა.