ემანუელ მაკრონი უკრაინაში იარაღსა და სამხედრო აღჭურვილობას აგზავნის

26 თებერვალს, დილით, პრეზიდენტი ვოლოდიმირ ზელენსკი საფრანგეთის პრეზიდენტ ემანუელ მაკრონს ესაუბრა. ამის შესახებ უკრაინის პრეზიდენტმა twitter-ზე დაწერა. როგორც ტვიტში ვკითხულობთ, საფრანგეთის პრეზიდენტი, ემანუელ მაკრონი, უკრაინას იარაღსა და სამხედრო აღჭურვილობას უგზავნის. „ახალი დღე დიპლომატიურ ფრონტზე დაიწყო ემანუელ მაკრონთან საუბრით. იარაღი და აღჭურვილობა ჩვენი პარტნიორებისგან მოდის ჩვენთან. ომის საწინააღმდეგო კოალიცია მუშაობს!“ – წერს ზელენსკი.