დიდი შვიდეულის ყველა მინისტრი შეთანხმდა, რომ

„დიდი შვიდეულის ყველა მინისტრი შეთანხმდა, რომ ეს არის არსებული კონტრაქტების ცალმხრივი და აშკარა დარღვევა“, – თქვა გერმანიის ენერგეტიკის მინისტრმა.

მისივე თქმით, რუსული რუბლით გადახდა მიუღებელია.

„ჩვენ მოვუწოდებთ დაინტერესებულ კომპანიებს არ შეასრულონ პუტინის მოთხოვნები. პუტინის მცდელობა ჩვენი დაყოფის შესახებ აშკარაა, მაგრამ როგორც ხედავთ ის ამ დიდ ერთიანობას ვერ გაყოფს“, – აცხადებს მინისტრი.

G7 მოიცავს ისეთ ქვეყნებს, როგორებიცაა შეერთებული შტატები, იაპონია, გერმანია, დიდი ბრიტანეთი, საფრანგეთი, იტალია და კანადა. შეგახსენებთ, რომ შეერთებულმა შტატებმა სრული ემბარგო დააწესა რუსულ ნავთობსა და გაზზე.