ავსტრალიელმა რობი ნილმა ეზოში სარეცხის გაფენისას, დაინახა, რომ მის სახლზე გიგანტური პითონი მიძვრებოდა. ამის შესახებ Foxnews-ი წერს.
ქვეწარმავალი 10 მეტრის სიგრძის იქნებოდა. ვიდეო სახლის პატრონის მეზობლებმა გადაიღეს.
უცნაური ისაა, რომ სახლის პატრონმა მედიასთან თქვა, რომ გველის დანახვა სულაც არ გაჰკვირვებია, რადგან პითონი მათი სახლის უკანა ეზოში, ფარდულის სხვენში უკვე ნახევარი წელია, რაც ცხოვრობს.
„ის უბრალოდ ზემოდან ჩამოეკიდება ხოლმე, როცა ფარდულში ვმუშაობ და მიყურებს. მე მისგან საფრთხეს არ ვგრძნობ და არც ის გრძნობს ჩემგან საფრთხეს“ – თქვა კაცმა.
გველის სახურავიდან ჩამოყვანა შეძლეს, ბოლოს კი, სახლის უკან, ბუჩქებში გაუშვეს.
კომენტარები