ნიუ-იორკში გოგომ ასობით ბიჭი მოტყუებით პაემანზე მიიყვანა და აიძულა რომ ერთმანეთს შეჯიბრებოდნენ. ინფორმაცია ამის შესახებ ერთ-ერთმა ბიჭმა Twitter-ზე დაწერა.
ბიჭი გამოტყდა, რომ მან Instagram-ზე მოდელი ნატაშა არონტე გაიცნო, რომელიც მას აქტიურად ეკონტაქტებოდა, თუმცა რატომღაც შეხვედრას არ ჩქარობდა. საბოლოოდ, გოგომ ბიჭი შეხვედრაზე დაპატიჟა.
როცა ამერიკელი შეხვედრაზე მივიდა, იქ უამრავი ადამიანი დახვდა, რომლებიც როგორც მოგვიანებით გაირკვა, მასავით პაემანზე იყვნენ დაპატიჟებულები.
მოულოდნელად გოგო სცენაზე ავიდა და ყველას გამოუცხადა, რომ მასთან შეხვედრას მხოლოდ ის გააგრძელებდა, რომლებიც შეჯიბრებაში გაიმარჯვებდნენ.
მანამდე გოგომ ყველა იმ ბიჭს სთხოვა შეხვედრის ადგილის დატოვება, რომლებიც წვერს ატარებდნენ, რომლებსაც უკვე ჰყავდათ შეყვარებულები, დონალდ ტრამპს უჭერდნენ მხარს, ეწეოდნენ ან სვამდნენ ალკოჰოლს.
რაც შეეხება შეჯიბრებას. ბიჭები ერთმანეთს მოკლე მანძილზე სირბილში და აზიდვებში შეეჯიბრნენ. მათ ასევე, მოკლედ უნდა აეხსნათ გოგოსთვის თავიანთი უპირატესობების შესახებ.
მოგვიანებით მოდელის წარმომადგენელმა განმარტა, რომ ამით გოგომ აჩვენა, თუ როგორ დამცირებულად გრძნობენ ქალები თავს მსგავს სიტუაციებში. მისივე თქმით, გოგომ უკვე აარჩია ბიჭი, რომელთანაც შეხვედრას გააგრძელებს.
კომენტარები