“ამ კითხვას ქართველი ჟურნალისტების მეტი მსოფლიოში არავინ სვამს , – ასე უპასუხა ახალქალაქისა და კუმურდოს ეპარქიის მიტროპოლიტმა, მეუფე ნიკოლოზმა ჟურნალისტების კითხვას, საქართველოს საპატრიარქომ ოფიციალურად დააფიქსიროს საკუთარი პოზიცია უკრაინის ავტოკეფალიასთან დაკავშირებით.
მისი თქმით, საპატრიარქო ნაჩქარევ გადაწყვეტილებას ვერ მიიღებს.
„მინდა გითხრათ, რომ ავტოკეფალიის საკითხი ბევრად უფრო მნიშვნელოვანია, თუნდაც ეს საშინელი ომი, რომელიც დღეს მიმდინარეობს. მინდა გითხრათ, რომ ავტოკეფალიის საკითხი კონსტანტინეპოლის საპატრიარქოს საქართველოს მიმართ ამოწურული ჯერ კიდევ არ აქვს. ამიტომ, ჩვენ ნაჩქარევ განცხადებას ვერ გავაკეთებთ. საქართველოს ეკლესიის მიმართ ავტოკეფალიასთან დაკავშირებით კონსტანტინეპოლის საპატრიარქოს ჯერ საბოლოო დასკვნა არ მიუღია. ამ საკითხზე დასვით კითხვები და ჯერ ეს გაარკვიეთ პირველ რიგში, რაშია საქმე და რატომ“, – განაცხადა მეუფე ნიკოლოზმა.
კომენტარები