ბერძნები წყალმომარაგების სისტემას ჯერ კიდევ ჩვენ წელთაღრიცხვამდე მე-19 საუკუნეში იყენებდნენ, ბაბილონში კი ათასი წლის წინ იცოდნენ კანალიზაციის შესახებ. BBC-მ იმ 6 უძველესი ნაგებობის შესახებ მოამზადა სტატია, რომელიც კაცობრიობის ცხოვრებაზე დღემდე ახდენს გავლენას.
ძველი ეგვიპტე და პირამიდები. ეგვიპტური პირამიდების გავლენა თანამედროვე არქიტექტურაზე ძალიან დიდია. არქიტექტორები დღემდე იყენებენ ჩვენ წელთაღრიცხვამდე დაახლოებით 2580-2560 წლებში აშენებული პირამიდების ფორმებს. მაგალითად, პარიზის ლუვრში მინის შესასვლელი ზუსტად იმეორებს პირამიდის იერსახეს.
ფოტო: shutterstock.com
რომაული გზები. რა თქმა უნდა, „ყველა გზა რომში [არ] მიდის“, მაგრამ სინამდვილეში რომაელებმა საგზაო ინფრასტრუქტურის შესახებ მართლაც ძალიან ბევრი რამ იცოდნენ. რომალებს ესმოდათ თუ როგორი მნიშვნელოვანი იყო ვაჭრობისთვის გზების არსებობა. ისინი ცდილობდნენ ისე დაეპროექტებინათ გზის მშენებლობა, რომ ის მოხერხებული და იოლად გასავლელი ყოფილიყო.
ფოტო: facebook
კანალიზაცია ბაბილონში. პარიზში კანალიზაციის პირველი სისტემა 1850 წელს გაჩნდა, ლონდონში კი – 1866 წელს. ბაბილონში მიწისქვეშა კომუნიკაციების გამოყენება ჩვენ წელთაღრიცხვამდე 4000 წლის წინ ისწავლეს.
ფოტო: shutterstock.com
ძველბერძნული წყალმომარაგება. წყალმომარაგების სისტემის განვითარებას მსოფლიო ბერძნებს უნდა უმადლოდეს. პირველად წყალმომარაგების სისტემა კუნძულ კრეტაზე ჯერ კიდევ მიკენის ცივილიზაციის დროს გაჩნდა ( ძვ. წ. XVI საუკუნიდან – ძვ. წ. XI საუკუნემდე).
ფოტო: shutterstock.com
წარმართული კულტები. ქალაქ მილტონ-კინსი დიდი ბრიტანეთის ყველაზე ლამაზი ქალაქი არ არის, მაგრამ მის დაგეგმარებაში ასახულია ბრიტანეთის ისტორიული ძეგლებისა და მეგალითების პატივისცემა. ქალაქი 1960-იან წლებში საბინაო კრიზისის გამო აშენდა. მის მშენებლობაზე სერიოზული გავლენა მოახდინა წარმართულმა შეხედულებებმა და რიტუალებმა.
ფოტო: www.wearetown.co.uk
ძველი რომის არქიტექტურა. ამ ცივილიზაციის გავლენამ საუკუნეები მოიცვა და დღემდე აქტუალურია. როდესაც მე-19 საუკუნეში, ნაპოლეონი საკუთარ იმპერიას აშენებდა, მისი ბრძანებით პარიზში რომაული არქიტექტურისაგან ნასესხები რამდენიმე შენობა გაჩნდა. მაგალითად, ტრიუმფალური თაღი და ვანდომის მოედანი.
კომენტარები