შვედმა ფოტოგრაფმა, ცხოვრების 10 წელი ადამიანის სიცოცხლის პირველი 9 თვის, დედის მუცელში მყოფი ნაყოფის, დაკვირვებაში გაატარა. სწორედ ამ დაკვირვების დროს გადაღებული ფოტოებით გაიცნო საზოგადოებამ ლენარტ ნილსონი.
1965 წელს LIFE magazine-მა მისი ნაშრომი გაქმოაქვეყნა. ადამიანის ემბრიონის ფოტოებმა 16 გვერდი დაიკავა. კადრები მაშინვე სხვადასხვა ჟურნალში გამოქვეყნდა, როგორებიცაა Stern, Paris Match, The Sunday Times და სხვ.
ნილსონი ბავშვობიდან გატაცებული იყო მიკროსკოპებით და კამერებით, საბოლოოდ კი გადაწყვიტა ხალხისთვის მიკრო დონეზე დაენახებინა ადამიანის სხეულის სილამაზე.
ნაყოფის პირველი ფოტოები ნილსონმა 1957 წელს გადაიღო, თუმცა კადრები გამოსაქვეყნებლად მზად არ იყო. ნილსომნმა საოცარი კადრების გადაღება სამედიცინო ინსტრუმენტი ციტოსკოპის საშუალებით მოახერხა. ციტოსკოპის, კამერის და მკრთალი სინათლის დახმარებით, ფოტოგრაფმა საოცარი კადრების გადაღება შეძლო. ეს იყო პირველი შემთხვევა, როცა ადამიანს შეეძლო საკუთარი თვალით დაენახა, ადამიანის ცხოვრების კონცეფცია და ადრეული განვითარება.
ნილსონის წიგნი ბავშვი დაიბადა“ 1965 წელს დაიბეჭდა და რამდენი დღეში წიგნის სრული ტირაჟი გაიყიდა.
კომენტარები