10 ქართული ანდაზა, რომელიც დისნეის პრინცესების ცხოვრებას აღწერს

ანდაზები მოკლე, სხარტ ფორმაში ჩატეული სიბრძნეებია, რომელთაგანაც ზოგი უკვე მოძველებულია, ზოგიც კი – ისეთი აქტუალური, როგორიც არასდროს.

ჩვენ მოვძებნეთ 10 ქართული ანდაზა, რომელიც დისნეის პრინცესების ცხოვრებაზეა ზედგამოჭრილი.

1. კონკია – გაჭირვება მიჩვენე და გაქცევას გიჩვენებ

თანაც ისეთ გაქცევას, რომ ბროლის ქოში კიბეზე გრჩებოდეს.

2. ფიფქია – სიფრთხილეს თავი არ სტკივა

ნათელი მაგალითი იმისა, თუ რა მოჰყვება უცნობების მოწოდებული ხილ-ბოსტნეულის ჭამას.

3. ავრორა – რაც გიწერია, არ აგცდება

ასე რომ, თუ თითისტარით სიკვდილის შესახებ დაგადეს წყევლა, ქსოვა და დართვა შენი ჰობი არ უნდა გახდეს.

4. რაპუნცელი – ასჯერ გაზომე და ერთხელ გაჭერი

ეს ანდაზა აშკარად თმის შეჭრაზე და მერე სინანულზეა.

5. ელზა – საცა არა სჯობს, გაცლა სჯობს

და საკუთარი ყინულის სასახლის აშენება.

6. მერიდა – დე­დის წინ მარ­ბე­ნალ კვიცს ან მგელი შეჭამს, ან მგლის შვილიო

ან დათვად გადაქცეული დედა.

7. ბელი – ვარდი უეკლოდ ვის მოუკრეფიაო

ასე რომ, თუ პრინცზე გინდა დაქორწინება, ცოტა ხანი ურჩხული უნდა აიტანო.

8. პოკაჰონტასი – შეგნებულთან ომი სჯობია შეუგნებელთან პურის ჭამასო

და სულ თუ არ ვიომებთ – მით უკეთესი.

9. ჟასმინი – ცხვარი ცხვარია, და, თუ გაცხარდა, ცხარეაო

ჟასმინზე ცხარე პრინცესა დისნეის სამყაროში უბრალოდ არ არსებობს.

10. არიელი – წვიმის შეკავება უფრო ადვილია, ვიდრე გასათხოვარი ქალისაო

ხმაზეც კი იტყვი უარს, თუ ის კონკრეტული ბიჭი მოგეწონა, რომელიც ხმელეთზე ცხოვრობს და არა წყალქვეშ.

რამე ხომ არ გამოგვრჩა?!

წყარო:On.ge